Sume sviv

andre stend stilt

mest av alt

er eg klår

Kjolen høver til det andre

men eg skal ikkje

verta hugteken korso

Små kjærlege einvegsbillettar

flidde av veninnor

Stilt gras

vridi fura

og målingsflekker

Kor mange dansar avslappa

utan å måtta yta?

Her kunde eg vorte millionær

på eigendelar

Du i det gule Cindy Lauper-skjørtet

med svarte Pepita-bylgjor

vil du sjå

ættetavla

åt ein av venene mine

We Are The World

er vorten klinar'n på dansegolvet

there are people dying

Japanske kvinnor i vestleg formgjeving

Han er ikkje den som

legg seg under ei ljoskruna

Aldri tøymd

snarare smeikt

og gjenomhola

Når det galdt

kvinnor

hadde han eit ovgrant øyra

med utgreidingar

i fleire timar um

dei mest erogene sonor

Det er snyrte å bruka Jesus

som tilvising for si eigi fullkoma

Gjentone verdset kvarandres

Tunne sylspissar til båtar

med alle Øvrevoll-hestane bak

og kredittkortet til pappa ved rattet

Det er ein høg pris å betala

når ein set

seg mål ein kann nå heile tidi

Bye, bye love

og alle dansa

Ut or sin eigen navle frå 0 til 100 på 4,8 sek.

Ikkje pent og pynteleg lagd

i oskeskåli saman med hine

men kasta i søyla på fortoget

og trakka på

På full fart

ut or/inn i

uppriti åt styremaktene

Som miksmasterar på nake golv

einast arvelause basillar

Motlaus i motljos

Manus depressiv

Er det noko op her

for å vera sorgtung?

Baksida av medaljen var framsida

Å leggja fingrane flatt ut på eit dansegolv i jenka

Fjorde gongen er det

ingen usmak på kransekaka

Alle er med gratis

syntetisk

Dei som slæst seg upp i fiffen

Ein draum av

ei vekkjing

Som bokstav i midten av orDet

Men Nelson kvarv

med ættetavlone sine

og bileti av barneborn

brått velfar

like greidt

same båt

Ljoset um sumaren er betre for bakken

Det finst so mange ledige genar

Minste sams ultimatum

Eg måtte taka han

i handi på at me skulde

vera vener

trykte eldraka

og såg ned

Femna um

barna

Fata um

fara

Ho: Kva stjerneteikn er du?

Han: Eg samlar på frimerke, eg...

Menn gifter seg ofte

av dårleg samvit

Brått hadde møderne

døtter

Blyfri livnad

med vikeplikt for kvende

varsam giring yver til

inkjevetta

Forviten

Ikkje forviten

gåsegang

Det var so fåe gutar der

at gjentone sette seg ved omnen

Dei baufile hev det ikkje godt

Akta deg for dei som vekslar i kollektskåli!

Mor til den spanske dvergen

fekk dobbel grunn til å vera

mor

Veit kvefsane at det gjer vondt

når dei stikk?

Fluga på veggen i sitt eige liv

Magen var so stor og tung

at han

drog ut alle

rukkone i andletet

Betre med nyrestein

enn nasegrus

Fyrst for Tore med Grete

so Jon med Marit

og eg med boset

Radikalarar på trygg grunn

Fotografen for til Aust-Europa

og vilde læra seg alt um gråtonar

Kampfljugarar yver ingenmannsland

millom reine og ureine idear

Ljosi sviv

snøggare enn

hjarto

I den heimen hekk istappane

på innsida av vindaugo

Dersom ein er i kvinnelynde

er mangt mogeleg her

Borni leikar

i midgangen på flyet

Dei vaksne smiler

orsakande

til kvarandre

Ei gledestund

med vindauga

på rette sida

Åskodarar som støkte antilopar

ved eit kill på savannen

Spursmål eg aldri vilde gjort meg sjølv

Di tru

ditt ego, du

Eg strekte meg etter

ein ikkje innløyst drink

og dei venlege

som smilte

Stilt heimetter

gutane dreg ut

kubikkane sine

i natti i staden

Rører meg sakte mot hjarta mitt

Du skal ikkje tru at du er noko

sa einkvan

men so er ikkje vegen

lang til boset heller

Å, neglelakk

kor du din glans

hev tapt

Eg skal ganga frå deg

når eg elskar deg mest

Um det so er det siste me gjer

Vøre det so viktigt å lyda,

so hadde vel folk havt noko å segja

Eg for min del hev bede ein del

gode bøner i det siste

Det er formgjeving nok på tusundlappane

Gud skapte oss i sitt bilete

me gjev like for like

Einfalds regatta

Du kastar boccia-kulor

inn i eit umvære

Kann ikkje lova deg

å vera for handi til kvar tid

for kvar tid

hev eg fyrr ikkje

bruka til mykje

Koma til skjellsord og alder

På nynorsk eller bokmål?

Stakkars deg som meiner

um det du aldri torde

i bylgjone åt andre

Tri muffins fekk eg til kaffien

Mistenkjelege småkakor til ei krona stykket

Ikkje å falla for freistingi

til å ramla i den

altfor festlege kulpen

Når du klappar medan du skålar

søyler du

Det er ikkje so gale å vera bondsk

um du er frå den største garden i bygdi

Til den døyande på fortoget:

Det er knei med meg...

I trieinings

døypefont er

lite aerodynamisk forsvarleg

Cocktail-bær til kunstig fræving

skye giraffar

rotne rottor

musikalske myser

håse hestar

katolske kattar

kuva kyr

billege bikkjor

Hev du høyrt bjørnen segja brum-brum?

Ho var ein kandelaber av eit menneske

Skriv ein kjære...?

Å kyssa ei intelligent gjenta

er eit helvete

når ho byrjar å analysera

tunga di

kverv med definisjonar

Kanarifuglen let att augo

når streng kona gjeng framum

soli råkar kvit mann

Gule franske notatblokker

et idear

Skitrenaren treffer

låri mine

når han klappar hennar

Må betala kvar einaste

livs-jatande

hysteriske gledelege

uppøste positive

og bivrande

lukkelege augneblink

med ein nedtur

Største svipa for mennesket

er minste motstands veg

All verdsens

einfelde løysingar

du bed ikkje eingong

um å verta fangteken

Å byrja etter å

hava pussa tenner og tømt bos

og gnika den gråe sekstiwattpæra

Dei møtte kvarandre

gjenom håret

og gjev kvarandre lov

til kva det skal vera

Verdi treng ikkje sensasjonar

men kjærleik og Dagbladet

Eg trudde at business skulde løysa ut

men so kjende eg att lukti av gamle dagar

Skrått yver gata

med vikande munnvikar

og samanbitne skrev

Småbrukarsjakk

attåtnæringssjakk

husmannssjakk

Alle ungar liknar på ein prikk

Anten utfor i ro og mak

eller i krappe svingar

Eg klappar eit lett

godnatt

på aksli di

eg klappar varleg

eit fjørugt fangtak

Lærarar med jamsides nedslag

og lakmuspapir i augo

30 graders augnefeste uppetter

store ord frå småe skuggar

tuppert tappert

snildt smilt

Yver direktørteppe

berrføtt i sanddynor

med canossasteg i banken

eller stiltrande etter den fagre...

Eg er 360 grader open

Gåvebordet skreik break-even

Eg hev mist summetonen

Mammon med ein smil

Alle løysingar

glapp

då du freista å

vera hyggjeleg

Ved eit lite

kvisthol

på panelet

du og eg

Her sit me og vert kveikte

av ein høg standard

innmura i dårleg planleggjing

Huset eg bur i er ein silo

og eg er avlingi frå 1951

Dei er so sedlause at

tunnelbana gjeng på skjenor i lufti

Ikkje for å vera løgjen, men

- James Brown og Harpefoss kraftstasjon

Like arveleg som ufrævleik

Gjentor sova

gutar lova

Den eine stripa i genseren din

kunde vore meir beige

327 megawatt kjernekraft

i Niederrhein

og den utringa Grace Jones

vert samanklappa

i ny fisjon

Ordet er røynds undertone

og biletet er utan farge

Ur-sjekta

Du er so djup

sa ho

nokre kraftige symjetak

uppetter

mot Sven Ingvars

Å, Kristus i det høge C

Kom ikkje her med utflukter!

Små djevelens korn

milliardar av brotstykke

frå greske gudars fjell

Den gode Gud vilde

hava skyna meg

skaka på hovudet og sagt

Ein gong lærer du og

Ein intensjon

vert ikkje naudsynleg

ein funksjon

Ingen ser korleis

brusteinen

jagar trikkane uppetter gatone

På fem-meteren

Tolvåringar i svev mot spegelvend himmel

Ikkje alle er like Josefine på det

Åleine i troppi med postordrekatalogen

og den prøvande smilen frå grannen

So hole på uppleving

at me berre er kar um

å stetta oss sjølve

Kontrollert coole

i denne bula

Tilbake til biblioteket

Til LEDIGE GENER på bokmål

Til LEDIGE GENER på ENGELSK